سَبِّحِ ٱسْمَ رَبِّكَ ٱلْأَعْلَى۝١

1اپنے بلند ترین رب کے نام کی تسبیح کرو

ٱلَّذِى خَلَقَ فَسَوَّىٰ۝٢

2جس نے پیدا کیا ہے اور درست بنایا ہے

وَٱلَّذِى قَدَّرَ فَهَدَىٰ۝٣

3جس نے تقدیر معین کی ہے اور پھر ہدایت دی ہے

وَٱلَّذِىٓ أَخْرَجَ ٱلْمَرْعَىٰ۝٤

4جس نے چارہ بنایا ہے

فَجَعَلَهُۥ غُثَآءً أَحْوَىٰ۝٥

5پھر اسے خشک کرکے سیاہ رنگ کا کوڑا بنادیاہے

سَنُقْرِئُكَ فَلَا تَنسَىٰٓ۝٦

6ہم عنقریب تمہیں اس طرح پڑھائیں گے کہ بھول نہ سکوگے

إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ۝٧

7مگر یہ کہ خدا ہی چاہے کہ وہ ہر ظاہر اور مخفی رہنے والی چیز کو جانتا ہے

وَنُيَسِّرُكَ لِلْيُسْرَىٰ۝٨

8اور ہم تم کو آسان راستہ کی توفیق دیں گے

فَذَكِّرْ إِن نَّفَعَتِ ٱلذِّكْرَىٰ۝٩

9لہذا لوگوں کوسمجھاؤ اگر سمجھانے کا فائدہ ہو

سَيَذَّكَّرُ مَن يَخْشَىٰ۝١٠

10عنقریب خوف خدا رکھنے والا سمجھ جائے گا

وَيَتَجَنَّبُهَا ٱلْأَشْقَى۝١١

11اور بدبخت اس سے کنارہ کشی کرے گا

ٱلَّذِى يَصْلَى ٱلنَّارَ ٱلْكُبْرَىٰ۝١٢

12جو بہت بڑی آگ میں جلنے والا ہے

ثُمَّ لَا يَمُوتُ فِيهَا وَلَا يَحْيَىٰ۝١٣

13پھر نہ اس میں زندگی ہے نہ موت

قَدْ أَفْلَحَ مَن تَزَكَّىٰ۝١٤

14بے شک پاکیزہ رہنے والا کامیاب ہوگیا

وَذَكَرَ ٱسْمَ رَبِّهِۦ فَصَلَّىٰ۝١٥

15جس نے اپنے رب کے نام کی تسبیح کی اور پھر نماز پڑھی

بَلْ تُؤْثِرُونَ ٱلْحَيَوٰةَ ٱلدُّنْيَا۝١٦

16لیکن تم لوگ زندگانی دنیا کو مقدم رکھتے ہو

وَٱلْـَٔاخِرَةُ خَيْرٌ وَأَبْقَىٰٓ۝١٧

17جب کہ آخرت بہتر اور ہمیشہ رہنے والی ہے

إِنَّ هَٰذَا لَفِى ٱلصُّحُفِ ٱلْأُولَىٰ۝١٨

18یہ بات تمام پہلے صحیفوں میں بھی موجود ہے

صُحُفِ إِبْرَٰهِيمَ وَمُوسَىٰ۝١٩

19ابراہیم علیہ السّلام کے صحیفوں میں بھی اور موسٰی علیہ السّلام کے صحیفوں میں بھی